我係
817呀！
我有無話過你知，我今年放聖誕假再來了香港，暫時住喺Bear姐屋企，而且喺小闊闊嘅幼稚園做交流生。
有一日老師問我：「蒙古也有聖誕老人嗎？而聖誕老人是屬於所有人的，所以你係香港寄聖誕咭俾聖誕老人，佢就一定會寄信俾你！」
我說：「喺烏蘭巴托
（蒙古首都）都見過聖誕老人，不過佢D衫又
爛又污糟，不但無禮物派，合照仲要俾五十蚊添呀！
有同學已搶著說：「一定是籌錢返芬蘭？」
又有同學搶著說：「這個不是真的，只是人扮的啊。」
老師笑笑說：「你們不相信真有聖誕老人嗎？聖誕老人真是存在啊！」
我雖然天真，但也不會相信真有聖誕老人，但在放學途中小闊闊卻提議寄聖誕咭俾聖誕老人，又說老師話聖誕老人住喺芬蘭，又咁出名，雖然無地址，只要寫『芬蘭聖誕老人收』都OK啦！
我沒有什麼期望，但一星期後，就真係收到聖誕老人的回信呀，原來真係有聖誕老人o架！！
而且佢依家住喺香港，因為個郵票係香港郵票嚟o架！
我的同學阿薄
大家好，long
time no see，我係小闊闊
呀！
817
今日俾咗一張聖誕咭我睇，
我就知道世界係真有聖誕老人的！
而嗰日咁啱我同學阿薄
都喺度，佢話 817 嘅聖誕咭
一定係 Bear 姐偷偷寄比
佢。
817 望吓阿薄笑咗笑，好有信心咁話：「唔會，因為聖誕老人有答我嘅問題，而 Bear 姐都唔知我寄聖誕咭俾聖誕老人。」
其實今年我都收到一封「聖誕老人」寄俾我嘅聖誕咭，但我認得係 Eros 哥哥嘅字跡，而且仲係無貼郵票就放喺信箱嗰隻， 阿薄卻說：只是那個 Bear 姐無咁兒戲， 佢有貼郵票吧了。
阿薄：「呢個世界點會有聖誕老人啫？！」然後轉身就走。
在我回家途中，在書局想揀聖誕咭寄俾聖誕老人時，竟然見到阿薄已經揀好聖誕咭正想去俾錢。
阿薄見到我，好似有D愕然，「我要撕破 817 當寶嘅 Bear 姐嘅謊話，所以我寄張聖誕咭俾嗰個聖誕老人，如果我收唔到，就證明你哋太天真喇！」
阿薄不嬲都幾聰明嘅，我就有D傻瓜， 佢一定有佢嘅道理…….
奇洛李維斯回信？？
我係小闊闊呀！
由於適逢世貿會議喺香港舉行，我哋鮮魚行幼稚園停學一個禮拜，所以我決定喺樓下大堂信箱前等郵差叔叔派信。
時間不斷過去，南韓農民（好難讀嘅四個字）都返晒南韓，我等呀等，等呀等，每日都等足朝九晚八，郵差叔叔都無信派比我。
雖然我未收到聖誕老人0既咭，但係我知道我一定會收到的，當我返上樓，Eros 哥哥話：「小闊闊，呢封你o架！」
吓？乜有我份咩？我明明睇過晒D信，無一封寫住我個名o格！
Eros 哥哥：「係你上次寄俾奇洛李維斯嘅信打回頭。」
我有點尷尬：「又話薛凱琪嗰D信奇洛李維斯有覆佢嘅？！」(奇洛李維斯回信)
Eros 哥哥：「起碼你都要寫英文吖！你只係寫『寄美國奇洛李維斯』，而且仲要變成『旗落你唯 C』，揾鬼收 咩？」
我突然醒悟：「原來真係Bear姐寄俾817o架。」
我打電話俾阿薄，點知佢一句"得"埋嚟：「我以為你氹817啫，原來你真係咁白痴o架？！」
突然聽到阿薄爸爸喺後面講：「阿薄，你有信呀！我拆咗喇.........係聖誕老.......人.......」
電話就斷咗嘞。
Eros 哥哥突然大聲說：「闊闊，原來你還有一封信......」
你相信有聖誕老人嗎？
